ગાંધીનગર કલોલ વડસર ગામની ભાગોળમાં ચાલી રહેલા દારૂના વેચાણ પર દરોડો, 6 લોકો સામે ગુનો નોંધી 1.29 લાખનો મુદ્દામાલ કબજે કર્યો. ગાંધીનગર જિલ્લાના કલોલના સાંતેજ પોલીસને ઊંઘતી રાખીને સ્ટેટ મોનીટરીંગની ટીમે વડસર ગામની ભાગોળે ખુલ્લેઆમ ચાલતાં વિદેશી દારૃના નેટવર્કનો પર્દાફાશ કરી સાડા ચારસો બિયરનાં ટીન, વાહનો, રોકડ રકમ મળીને કુલ રૂ. 1.29 લાખનો મુદ્દામાલ જપ્ત કરી છ ઈસમો સામે કાનૂની કાર્યવાહી હાથ ધરી છે.
ગાંધીનગર જિલ્લાના વડસર ખાતે ખુલ્લેઆમ વિદેશી દારૃ – બિયરનું વેચાણ કરવામાં આવતું હોવા છતાં સાંતેજ પોલીસ આંખ આડા કાન કરીને બેસી રહી હતી. ત્યારે સ્ટેટ મોનીટરીંગ સેલના ડીવાયએસપી કે ટી કામરીયાની ટીમને બાતમી મળી હતી કે, ગાંધીનગર જીલ્લાના વડસર ગામની ભાગોળમાં ઈશ્વર વાઘાજી ઠાકોર (હાલ રહે.વડસર ડાકોર વાસ તા.કલોલ જી.ગાંધીનગર મુળ રહે.ગોતા) મળતિયાઓ સાથે મળીને ટુ વ્હીલરમાં વિદેશી દારૃનો જથ્થો ભરી હરતોફરતો વેચાણ કરતો હોય છે.
Average Rating