Read Time:1 Minute, 20 Second
ચૂંટણીનો માહોલ, ઘાતક હથિયાર મળ્યા, રાજ્યમાં શાંતિ ડહોળવાનો પ્રયાસઃ મેટ્રો કોર્ટઉત્તર પ્રદેશથી દેશી કટ્ટા, કારતૂસ લઇ આવનારા આરોપીના જામીન રદઉત્તર પ્રદેશથી દેશી કટ્ટા, કારતૂસ લઇ અમદાવાદ આવેલા યુવકને નરોડા પોલીસે ઝડપી લઇ કોર્ટમા રજૂ કર્યો હતો. જ્યાં આરોપીએ જામીન અરજી કરી હતી. જો કે, તે અરજી એડિશનલ ચીફ મેટ્રોપોલિટન મેજિસ્ટ્રેટ આર.વી.રાજેએ ફગાવી દીધી છે. આ સાથે જ કોર્ટે નોંધ્યું હતું કે, આરોપી પાસેથી હથિયાર ઉપરાંત 10 જીવતા કારતૂસ મળ્યા છે, હાલ ગુજરાત રાજ્યમાં ચૂંટણીનો માહોલ છે, ત્યારે આરોપી પાસેથી પ્રાણઘાતક હથિયારો મળી આવ્યા છે, તે જોતા રાજ્યમાં શાંતિ ડહોળવાનો પ્રયાસ હોય તે હકીકત નકારી શકાય નહીં, આવા આરોપીને સહેલાઇથી જામીન ઉપર મુક્ત કરવામાં આવે તો સમાજ પર તેની વિપરીત અસર પડે તેમ છે. ત્યારે આરોપીને જામીન પર મુક્ત કરવો ન્યાયોચિત જણાતો નથી.
![Avatar](https://gooddaygujaratnews.com/wp-content/uploads/2023/12/1702456868095-scaled.jpg)
Average Rating