0
0
આ કામે હકિકત એવી છે કે, ફરિયાદી વિરૂધ્ધમાં સને-૨૦૧૮ માં મેઘાણીનગર પોલીસ સ્ટેશનમાં ગુન્હો દાખલ થયેલ, જે ગુન્હાના કામે ફરિયાદીના પત્નીનું નામ નહીં ખોલવા અને જો નામ ખુલે તો તાત્કાલિક અટક નહી કરવાના બદલામાં સદર ગુન્હાની તપાસ કરનાર મેઘાણીનગર પોલીસ સ્ટેશનના તત્કાલિન એ.એસ.આઇ. નરેન્દ્રસિંહ દલપતસિંહ નાઓએ સાહેદ પાસે લાંચ પેટે રૂ.૧૫૦૦/- માંગણી કરેલ. જે લાંચની રકમ ફરીયાદી આપવા માંગતા ન હોય, ફરીયાદીએ એ.સી.બી. નો સંપર્ક કરી એ.સી.બી. ને ફરીયાદ આપેલ. જે ફરીયાદના આધારે બે સરકારી પંચો તેમજ એ.સી.બી. રેડીંગના પાર્ટીના સભ્યોને સાથે રાખી લાંચનુ છટકુ ગોઠવામાં આવેલ પરંતુ લાંચના છટકા દરમ્યાન આક્ષેપિતે લાંચની રકમ સ્વીકારેલ નહીં, જેથી સદર લાંચનુ છટંકુ નિષ્ફળ જાહેર કરેલ. નિષ્ફળ છટકાની ખુલ્લી દરમ્યાન વૈજ્ઞાનિક તથા અન્ય પુરાવાઓ આધારે લાંચની માંગણીનો ગુન્હો બનતો હોવાનું ફલિત થયેલ.
જેથી આરોપી નરેન્દ્રસિંહ દલપતસિંહ રાઓલજી, તત્કાલીન એ.એસ.આઇ. મેધાણીનગર પો.સ્ટે., વર્ગ-૩, અમદાવાદ શહેર વિરૂધ્ધમાં સરકાર તરફે શ્રી કે.પી.તરેટીયા, પોલીસ ઇન્સ્પેક્ટર, અમદાવાદ શહેર એ.સી.બી.પો.સ્ટે. નાઓએ ફરીયાદ આપતા અમદાવાદ શહેર એ.સી.બી. પો.સ્ટે. ગુ.ર.નં.૦૯/૨૦૨૩ ભ્રષ્ટાચાર નિવારણ સુધારા અધિનિયમ- ૨૦૧૮ ની કલમ-૭, ૧૩(૧) તથા ૧૩(૨) મુજબનો ગુનો તા.૧૬/૦૬/૨૦૨૩ ના રોજ દાખલ કરવામાં આવ્યો. સદર ગુનાની આગળની વધુ તપાસ શ્રી સી.જી.રાઠોડ, પોલીસ ઇન્સ્પેક્ટર, અમદાવાદ શહેર એ.સી.બી. પો.સ્ટે. અમદાવાદનાઓ ચલાવી રહેલ છે. જેના સુપરવિઝન અધિકારી શ્રી કે.બી.ચુડાસમા, મદદનીશ નિયામક, એ.સી.બી. અમદાવાદ એકમ નાઓ છે.
સરકારશ્રીના જુદા-જુદા વિભાગોમાં ફરજ બજાવતાં સરકારી અધિકારી/કર્મચારી દ્વારા કાયદેસરના મહેનતાણા સિવાય જાહેર જનતા પાસે જો કોઇ ગેરકાયદેસર અવેજની માંગણી કરવામાં આવે તો તેવા સરકારી અધિકારી/કર્મચારીઓ અંગેની જાણ એ.સી.બી. કચેરીના ટોલ- ફ્રી નં.૧૦૬૪, ફોન નં.૦૭૯-૨૨૮૬૬૭૭૨ તથા ફેક્સ નં.૦૭૯-૨૨૮૬૯૨૨૮ ઉપર કરવા જાગૃત જનતાને આહવાન કરવામાં આવે છે.
રિપોર્ટર ભરત ઠાકોર
