કોર્પોરેશનનો મજૂર લાંચ લેતા ઝડપાયો:
પાણીની
પાઈપલાઈનનું ગેરકાયદે જોડાણ કરવા AMCનો મજૂર રૂ. 20,000ની લાંચ લેતો ACBના હાથે રંગેહાથ ઝડપાયો
![](https://gooddaygujaratnews.com/wp-content/uploads/2023/04/IMG_20230428_162804.jpg)
અમદાવાદ મ્યુનિસિપલ કોર્પોરેશનમાં પશ્ચિમ ઝોનમાં ઇજનેર વિભાગમાં ફરજ બજાવતા વર્ગ ચારના કર્મચારીએ પાણીની પાઇપલાઇનનું ગેરકાયદેસર જોડાણ કરી આપવા માટે રૂ.25,000ની માગણી કરી હતી. ગેરકાયદેસર જોડાણ કરવા માટે મજૂર દ્વારા લાંચની માગણી કરવામાં આવતા ફરિયાદીએ એસીબીનો સંપર્ક કર્યો હતો. એસીબીએ છટકું ગોઠવી અને કોર્પોરેશનના ઈજનેર વિભાગના મજૂરને 20 હજારની લાંચ લેતાં રંગે હાથ ઝડપી લીધો હતો.
એ.સી.બી. સફળ ટ્રેપફરીયાદી – એક જાગૃત નાગરીકઆરોપી – હેમરાજ રામાભાઇ દાફડા ઉ.વ.૫૨,કાયમી પુરુષ મજુર,વર્ગ-૪ ઇજનેર વિભાગ, પશ્ચિમ ઝોન સ્ટેડીયમ, વોર્ડ-ર, અમદાવાદ મ્યુનિસિપલ કોર્પોરેશન,રહે.સી/૭૦૬,પંચ બ્લોક હોમ્સ,ત્રાગડ રોડ,ચાંદખેડા,અમદાવાદ ગુનો બન્યા : તા.૨૮/૦૪/૨૦૨૩ ગુનાનુ સ્થળ :- ફરીયાદીના મકાનમાં.લાંચની માંગણીની રકમ :- રૂ.૨૦,૦૦૦/-(અંકે રૂપિયા વીસ હજાર)લાંચ સ્વીકારેલ રકમ :- રૂ.૨૦,૦૦૦/-(અંકે રૂપિયા વીસ હજાર )લાંચની રીકવર કરેલ રકમ :- રૂ.૨૦,૦૦૦/-(અંકે રૂપિયા વીસ હજાર )ગુનાની ટુંક વિગત :- આ કામે હકિકત એવી છે કે, આ કામના ફરીયાદીશ્રીના મકાનની બાજુમાં બત્રીસી હોલ વાળાએ પાણીની નવી પાઈપ લાઈન લેવા માટે અરજી કરેલ હોય જે પાણીની નવી પાઈપ લાઈનનુ ખોદકામ કામ ચાલતુ હોય ફરીયાદીએ પોતાના મકાનની પાણીની પાઈપ લાઈન નાખવા માટે આક્ષેપિત સાથે વાતચીત કરતા આક્ષેપિતે બત્રીસી હોલની પાણીની પાઈપ લાઈન સાથે તેઓની પાણીની પાઇપ લાઈનનુ ગેરકાયદેસર રીતે જોડાણ કરી આપવાના કામ માટે આક્ષેપિતે ફરીયાદી પાસે રૂ.૨૫,૦૦૦/-ની લાંચની માંગણી કરેલ અને રકઝકના અંતે રૂ.૨૦,૦૦૦/- નકકી કરેલ પરંતુ ફરીયાદીશ્રી લાંચની રકમ આપવા માંગતા ના હોય, જેથી એ.સી.બી.નો સંપર્ક કરી, આજરોજ ફરીયાદ આપતા ફરિયાદીશ્રીની ફરીયાદના આધારે લાંચનુ છટકુ ગોઠવતા, આક્ષેપિતે ફરીયાદી સાથે પંચ-૧ ની હાજરીમાં હેતુલક્ષી વાતચીત કરી, રૂ.૨૦,૦૦૦/- ની લાંચ સ્વિકારી પકડાઈ જઈ ગુન્હો કર્યા બાબત.નોંધ : ઉપરોક્ત આરોપીનાઓને એ.સી.બી એ ડીટેઇન કરી આગળની કાર્યવાહી હાથ ધરેલ છે.ટ્રેપ કરનાર અધિકારી :- શ્રી સી.જી.રાઠોડ, પોલીસ ઇન્સ્પેક્ટર, અમદાવાદ શહેર એ.સી.બી. પો.સ્ટે., તથા ટીમ. સુપર વિઝન અધિકારી :- શ્રી કે.બી.ચુડાસમા, મદદનીશ નિયામક, એ.સી.બી.,અમદાવાદ એકમ, અમદાવાદ.