17.84 લાખના ફ્રોડ બાદ બ્લોક કરેલા નાણાં અન્યના ખાતામાં જતા રહ્યા
બહારના રાજ્યમાં જીવના જોખમે ઓપરેશન પાર પાડતી સાયબર ક્રાઇમના ઠાગાઠૈયા અવાર નવાર અમદાવાદ સાયબર ક્રાઇમ સેલ બહારના રાજ્યોમાં જીવના જોખમે ઓપરેશન પાર પાડતી હોવાના દાવા કરે છે, પણ તેની સામે સાયબર ક્રાઇમની લાલિયાવાડીનો એક વિચિત્ર કિસ્સો સામે આવ્યો છે. શહેરમાં રહેતા વૃદ્ધ એકાદ વર્ષ પહેલા કુરિયર ફ્રોડનો ભોગ બનતા રૂ. 17.84 લાખ રૂપિયા ગુમાવ્યા હતા. એક વર્ષ પહેલા અહીં ફરજ બજાવતા અધિકારીઓએ શરૂઆતમાં આ કેસમાં કંઇ ન થાય તેવો ઉડાઉ જવાબ આપ્યા બાદ ફરિયાદ નોંધી હતી. જોકે, પીએસઆઇ સહિતના અધિકારીઓએ આ કેસમાં યોગ્ય તપાસ ન કરતા આરોપીઓ ઝડપાયા ન હતા. ઠગાઇની કુલ રકમમાંથી પોલીસે રૂ.1,00,523 બ્લોક કર્યા હતા. જે પરત મેળવવા માટે ફરિયાદીને એક વર્ષ સુધી ધક્કા ખવડાવીને પોલીસે થકાવી નાખ્યા હોવાનો આક્ષેપ કરાયો છે. પોલીસ આ નાણાં પરત કેમ ન અપાવી શકી તે બાબતે ફરિયાદીએ તપાસ કરતા સામે આવ્યું કે, બ્લોક થયેલા નાણાં અન્ય કોઇના જ ખાતામાં જતા રહ્યા હોવાનું કચેરીના અધિકારીઓએ જણાવ્યું ત્યારે આટલી મોટી ચૂક થઇ કોનાથી તે એક મોટો સવાલ છે.
Average Rating